|
PCPI SERVIZOS ADIMINISTRATIVOS |
|
|
|
O Programa de Cualificación Profesional Inicial de Servizos Administrativos pertence á familia profesional de Administración e Xestión. Abarca un curso académico (900 horas) que inclúen 160 horas de prácticas na empresa a final de curso.
Competencia xeral:
Realizar operacións de verificación e gravación de datos; transcribir, distribuír, reproducir, transmitir e arquivar a información e a documentación requiridas nas tarefas internas e externas administrativas e de xestión, así como realizar trámites elementais con documentos, consonte as instrucións, a normativa e os procedementos establecidos, de xeito coordinado e con criterios de calidade, produtividade, seguridade e respecto polo medio.
Ámbito profesional.
Esta figura profesional desenvolve a súa actividade por conta allea, en calquera empresa ou entidade do sector privado ou do sector público, nomeadamente en oficinas, despachos e departamentos de administración ou servizos xerais.
Sectores produtivos.
Está presente en todos os sectores produtivos, así como na Administración, e destaca polo seu alto grao de transectorialidade.
Ocupacións e postos de traballo máis salientables.
– Gravador/a e verificador/a de datos.
– Operador/a documental.
– Auxiliar de dixitalización.
– Auxiliar de oficina.
– Auxiliar de servizos xerais.
– Auxiliar de arquivo.
– Clasificador/a e repartidor/a de correspondencia.
– Ordenanza.
– Auxiliar de información.
– Telefonista en servizos centrais de información.
– Despachador/a de billetes.
Módulos:
De carácter xeral:
Competencia comunicativa e dixital
Sociedade e cidadanía
Científico-matemático
Iniciativa persoal e relacións laborais
Específicos:
Procesamento de datos e de documentación
Operacións administrativas e de comunicación
Arquivo e reprografía
FCT (prácticas na empresa: 160 horas)
Acceso:
Xóvenes entre 16 e 19 anos que non teñan superada a ESO.
O ciclo complementa a súa formación con visitas de estudo e conferencias de tipo técnico relacionadas co ámbito profesional.
|
OFERTA FORMATIVA 
