DIGIAGRI - Didactic-Digital Tools for the Practical Contents Training
(Ferramentas Dixitais Didácticas para a Ensinanza de Contidos Prácticos)
O reto que a comunidade educativa houbo de superar a tódolos niveis durante o ano 2020 estendeuse a nivel mundial, implicando unha serie de adaptacións que aínda actualmente seguimos abordando. Para dar resposta aos desafíos que o futuro poida presentar, a ensinanza virtual é unha ferramenta moi útil que precisa ser desenvolvida para extraer dela o maior rendemento e poder equipararse á escola práctica.
Este proxecto ten como obxectivo principal o desenvolvemento, implementación e avaliación dunha plataforma web de libre acceso coa que profesores e alumnos potencien as súas capacidades dixitais e experimenten novos métodos de ensinanza e aprendizaxe en liña.
Os obxectivos principais son:
-
A mellora de coñecementos, habilidades e competencias pedagóxicas e dixitais do profesorado,
-
A capacitación das persoas encargadas da formación para a implementación pedagóxica en situacións de aprendizaxe práctica a distancia,
-
A promoción dunha educación accesible en calquera lugar e momento, e nun formato igual de efectivo e comparable á educación clásica.
Isto permite aumentar a flexibilidade da ensinanza práctica a distancia para, se fora necesario, incluíla nun modelo de ensinanza híbrido ou incluso nunha situación de ausencia da persoa encargada da formación.
Os grupos de interese do proxecto son, principalmente, o profesorado encargado da formación práctica, que serán quen posteriormente trasladen a mesma de forma axeitada aos estudantes de clases prácticas.
No proxecto están involucrados centros de tres distintas nacionalidades que son, ademáis da Federación EFA Galicia,:
-
O Instituto de Agricultura y Turismo de Poreč, en Croacia
-
O Centro Biotecnolóxico de Naklo, en Eslovenia
-
A plataforma comunicativa MITEAM
NOVAS RELACIONADAS
